大排檔 跟蔡瀾嘆荔枝木燒鵝

有云
雞髀打人牙骹軟

咁燒鵝髀打人
就真係全身都軟埋

可惜香港地
燒鵝多數用電爐燒
少咗舊時嗰種炭香

爸爸最近過咗濠江
就發現一間供應炭燒燒臘嘅食肆

店名鳳凰大排檔
開喺平民區筷子基

開業不過幾年
連蔡瀾都青睞

點心靚涼拌
小菜燒臘炒粉麵
乜都有得食

蜂巢荔芋魚香茄子盒
避風塘脆炸軟殼蟹
炭燒蜜汁叉燒

桑拿骨
酸菜魚
珍菌豆腐
蠔仔粥
翅湯雲吞娃娃菜

• 

• 

全部做得細緻好好味
食到捧住個胃上枱面

又有秘製牛雜煲

草肚金錢肚牛肺牛膀牛腸
口感超級彈記得食埋煲底蘿蔔

主角仲有
荔枝木明爐燒鵝

用荔枝木嚟掛爐燒
皮脆肉嫩仲有陣木香

香港好少食得到

下次去澳門
唔好掛住蒲酒店
出去平民區打個圈
分分鐘有意外收獲呀

餐廳資料：

---