夏日炎炎，最啱食啲涼拌小食嚟開下胃！今次教大家整個Shake Shake 麻辣雞腎，用嚟做前菜又得，送酒都得！咁啱最近舉辦緊歐國盃，如果老公鍾意睇波，整嚟俾佢睇波嘅時候做小食就一流啦！
雞腎本身口感爽脆，無論炒或者做涼菜都適合，大家如果覺得普通雞腎唔夠口感，可以選擇「火雞腎」，大大件更有咬口，食落更滿足。另外，如果鍾意食花生都可以加小小花生落去，加埋青瓜感覺又清甜無咁膩，包你哋食唔停口！
做法：
1.雞腎洗乾淨，水滾後放入水中加入薑片和米酒烚10分鐘，盛起備用；
2.先用熱水將糖溶化，再加入調味料拌勻；
3.青瓜切粒，烚好的雞腎切件，芫茜亦切好，將所有材料及已經拌勻的調味料放入保鮮袋內，搖勻。
4.最後放入雪櫃雪2小時，食之前加入花生便可。
小貼土：
如何去除雞腎的異味？
將雞腎先汆水，可以在水中加點米酒和薑，這樣可以去除雞腎的異味。
Comments are closed.