父親節好去處：報答爸爸餐廳精選

好多時我地都大肆慶祝母親節，父親經常都被忽略，不如趁住父親節，請爸爸食餐飯，今次小編介紹嘅餐廳，中西日韓，酒樓、自助餐樣樣都有，快啲睇下爸爸鐘意食啲咩啦！

鏞記年輕副線

呢間餐廳係中環鏞記第三代經營，喺呢度當然食到鏞記招牌燒鵝將新元素混入傳統菜式中打造創意中菜，喜歡創新和中菜嘅不妨試下呀！。餐廳趁父親節推出外賣四人套餐，等大家可以喺屋企慶祝，套餐除咗有黑鬃燒鵝、豉油皇煎大蝦皇、吊燒蜜汁叉燒，仲可以額外追加海鮮佳餚，例如骨香東星斑球、上湯焗龍蝦伊麵等等。

價錢：外賣父親節四人套餐 $1480
地址：尖沙咀梳士巴利道18號Victoria Dockside K11 Musea 7樓701號舖
查詢：2321 3800

想食日本菜，呢間餐廳嘅早午市「北海道鱈場蟹早午市放題」確係好吸引，而父親節當日仲有「晚市放題」，可以食到日式烤牛肉、牛壽喜燒小鍋、銀鱈魚味噌燒等等。每位爸爸喺晚餐時段會獲贈兩枝日本手工啤酒，提早預訂仲可以免費獲海鮮刺身同埋精選甜品盤。

價錢：北海道鱈場蟹早午放題成人$528/位，小童$288/位；父親節晚市放題成人$680/位，小童$350/位
地址：中環德己立街30-32號加州大廈6樓
查詢：2328 3302

如果爸爸係食肉獸，可以去呢間餐廳享用牛扒套餐，每位$388送紅酒。坐喺窗口位仲可以睇住維港海景飲住紅酒嘆牛扒！

價錢：約$400-600/位
地址：銅鑼灣登龍街18號V Point 31樓
查詢：2603 7181

唔想諗食咩菜式，食自助餐最穩陣。今個星期五（6月18日）前預訂「2+2」父親節自助午餐或晚餐仲有七五折優惠，父親節當日幫襯嘅各位爸爸仲可獲贈$100 SKECHERS 優惠券㖭！

價錢：自助午餐成人$368/位，小童$248/位；自助晚餐成人$638/位，小童$538/位
地址：沙田白鶴汀街8號
查詢：2601 2111

疫情期間如果想留喺屋企慶祝，咁不如外賣返屋企啦！韓國餐廳Seoul Recipe推出嘅父親節4人外送及自取套餐，可以食到招牌烤果醃牛肋骨配韓式薄餅同埋炸雞，不過要喺6月17日前落訂，可以喺星期六（6月19日）或星期日（6月20日）親自到蘇豪店自取，或者由餐廳安排送餐都可以。

價錢：父親節4人外送及自取套餐 $1,880
地址：中環士丹頓街7號翠文樓地下低層
查詢：9383 6989

想同爸爸去飲茶嘅，呢間餐廳推出咗幾款晚市套餐同埋父親節晚餐，部份晚餐提前訂座仲可以視乎人數減$500至$1,000，聽落相當戈算！

價錢：視乎套餐而定
地址：灣仔、尖沙咀、旺角、九龍灣、日出康城等分店
查詢：2258 7688（灣仔）