fbpx

每年4月到6月都係藍花楹嘅花期,一片紫藍花海好不浪漫,吸引好多人打卡,香港唔少公園都可以見到藍花楹,今次就介紹其中5個賞花好去處,想趁藍花楹盛放打卡就要好好睇落去!

5大藍花楹賞花熱點

1. 全港最多:沙田中央公園

沙田中央公園嘅藍花楹數量係全港最多,喺源禾路出入口位置有成十幾棵,打卡就啱晒!而且附近亦有草地,可以邊野餐邊賞花,不過記得走嘅時候帶走自己嘅垃圾喇!交通方面可以由沙田港鐵站去,行路7至10分鐘到達。

藍花楹-花期-賞花熱點
藍花楹春至初夏開花

2. 郊遊之選:嘉道理農場

如果你打算賞花兼郊遊,可以去近月重溫嘅嘉道理農場,內容豐富,有好多不同動植物,非常值得大家搵日搭車入去遊覽兼賞花。想睇藍花楹,就要去素食亭,旁邊一棵藍花楹被稱為「香港藍花楹之王」,十分壯觀。交通方面可以由元朗或大埔墟出發坐64K巴士,喺嘉道理農場站落。

3. 交通方便:灣仔星街/ 太古廣場三期

喺太古廣場三期旁邊小斜坡,灣仔星街同萬茂里交界,都可以搵到藍花楹,雖然剩係得一棵,不過喺正鬧市中,唔洗專登山長水遠去睇,可以坐港鐵喺金鐘港鐵站F出口出。

藍花楹-花期-賞花熱點
在世界不少地方,藍花楹開花象著着春天降臨。

4. 賞花熱點:荔枝角公園

每逢周末都吸引大批遊人,荔枝角公園一向都係賞花打卡熱點,除咗藍花楹以外仲有唔少其他靚花添。要留意係,荔枝角公園其實比較近美孚地鐵站,如果搭港鐵可以喺美孚站D出口出。

5. 港島之選:維多利亞公園

鬧市嘅賞花熱點又點少得維多利亞公園,維園嘅藍花楹喺近銅鑼灣地鐵站嘅入口,但聽講幾棵藍花楹中只有一棵係比較多花,幾餘幾棵就冇咁茂密。交通可以喺銅鑼灣港鐵站E出口或者天后站A2出口。

藍花楹-花期-賞花熱點
藍花楹@嘉道理農場

Comments are closed.